.. shrii hari giitaa ..
raajaa dhR^itaraaShTra ne kahaa -
raNa- laalasaa se dharma- bhuu\, kuruxetra me.n ekatra ho .
mere suto.n ne, paaNDavo.n ne kyaa kiyaa sa.njaya kaho .. 1. 1..
sa.njaya ne kahaa -
taba dekhakara paaNDava- kaTaka ko vyuuha- rachanaa saaja se .
isa bhaa.Nti duryodhana vachana kahane lage gururaaja se .. 1. 2..
aachaarya mahatii sainya saarii, paaNDavo.n kii dekhiye .
tava shiShya budhavara drupada- suta ne dala sabhii vyuuhita kiye .. 1. 3..
bhaTa bhiima arjuna se aneko.n shuura shreShTha dhanurdhare .
saatyika drupada yoddhaa viraaTa mahaarathii raNabaa.nkure .. 1. 4..
kaashii nR^ipati bhaTa dhR^iShTaketu va chekitaana naresha hai.n .
shrii kuntibhoja mahaana purujita shaibya viira visheSha hai.n .. 1. 5..
shrii uttamaujaa yudhaamanyu, paraakramii varaviira hai.n .
saubhadra, saare draupadeya, mahaarathii raNadhiira hai.n .. 1. 6..
dvijaraaja! jo apane kaTaka ke shreShTha senaapati sabhii .
suna liijiye mai.n naama unake bhii sunaataa huu.N abhii .. 1. 7..
hai.n aapa phira shriibhiiShma, karNa, ajeya kR^ipa raNadhiira hai.n .
bhuurishravaa guruputra aura vikarNa se balaviira hai.n .. 1. 8..
raNa saaja saare nipuNa shuura aneka aise bala bhare .
mere liye tayyaara hai.n, jiivana hathelii para dhare .. 1. 9..
shrii bhiiShma- raxita hai nahii.n, paryaapta apanaa dala ba.Daa .
para bhiima- raxaa me.n udhara, paryaapta unakaa dala kha.Daa .. 1. 10..
isa hetu nija- nija moracho.n para, viira puuraa bala dhare.n .
saba ora chaaro.n chhora se, raxaa pitaamaha kii kare.n .. 1. 11..
kurukula- pitaamaha taba nR^ipati- mana moda se bharane lage .
kara vikaTa garjana si.nha- sii, nija sha~Nkha- dhvani karane lage .. 1. 12..
phira sha.nkha bherii Dhola aanaka gomukhe chahu.N ora se .
saba yuddha baaje eka dama bajane lage dhvani ghora se .. 1. 13..
taba kR^iShNa arjuna shveta gho.Do.n se saje ratha para cha.Dhe .
nija divya sha.nkho.n ko bajaate viiravara aage ba.Dhe .. 1. 14..
shriikR^iShNa arjuna ' paa~nchajanya' va ' devadatta' gu.njaa uThe .
phira bhiimakarmaa bhiima ' pauNDra' ninaada karane me.n juTe .. 1. 15..
karane lage dhvani nR^ipa yudhiShThira, nija ' anantavijaya' liye .
gu.njita nakula sahadeva ne su- ' sughoSha' ' maNipuShpaka' kiye .. 1. 16..
kaashiinaresha vishaala dhanudhaarii, shikhaNDii viira bhii .
bhaTa dhR^iShTadyumna, viraaTa, saatyaki, shreShTha yodhaagaNa sabhii . 1. 17..
saba draupadii ke suta, drupada, saubhadra bala bharane lage .
chahu.N ora raajan! viira nija- nija sha~Nkha- dhvani karane lage .. 1. 18..
vaha ghora shabda vidiirNa saba kaurava- hR^idaya karane lagaa .
chahu.N ora guu.nja vasundharaa aakaasha me.n bharane lagaa .. 1. 19..
saba kauravo.n ko dekha raNa kaa saaja saba puuraa kiye .
shastraadi chalane ke samaya arjuna kapidhvaja dhanu liye .. 1. 20..
shriikR^iShNa se kahane lage aage ba.Dhaa ratha liijiye .
dono.n dalo.n ke biicha me.n achyuta! kha.Daa kara diijiye .. 1. 21..
karaluu.n niriixaNa yuddha me.n jo jo ju.De raNadhiira hai.n .
isa yuddha me.n maadhava! mujhe jina para chalane tiira hai.n .. 1. 22..
mai.n dekha luu.n raNa hetu jo aaye yahaa.N balavaan hai.n .
jo chaahate durbuddhi duryodhana- kumati- kalyaaNa hai.n .. 1. 23..
sa.njaya ne kahaa - -
shriikR^iShNa ne jaba guDaakesha- vichaara, bhaarata! suna liyaa .
dono.n dalo.n ke biicha me.n jaakara kha.Daa ratha ko kiyaa .. 1. 24..
raajaa, rathii, shriibhiiShma, droNaachaarya ke jaa saamane .
lo dekhalo! kaurava kaTaka, arjuna! kahaa bhagavaan ne .. 1. 25..
taba paartha ne dekhaa vahaa.N, saba hai.n svajana buu.Dhe ba.De .
aachaarya bhaa_ii putra maamaa, pautra priyajana hai.n kha.De .. 1. 26..
snehii sasura dekhe kha.De, kaunteya ne dekhaa jahaa.N .
dono.n dalo.n me.n dekhakara, priya bandhu baandhava ho vahaa.N .. 1. 27..
kahane lage isa bhaa.Nti taba, hokara kR^ipaayuta khinna se .
he kR^iShNa! raNa me.n dekhakara, ekatra mitra abhinna- se .. 1. 28..
hote shithila hai.n a~Nga saare, suukha meraa mukha rahaa .
tana kaa.Npataa thara- thara tathaa romaa~ncha hotaa hai mahaa .. 1. 29..
gaaNDiiva girataa haatha se, jalataa samasta shariira hai .
mai.n raha nahii.n paataa kha.Daa, mana bhramita aura adhiira hai .. 1. 30..
keshava! sabhii vipariita laxaNa dikha rahe, mana mlaana hai .
raNa me.n svajana saba maarakara, dikhataa nahii.n kalyaaNa hai .. 1. 31..
ichchhaa nahii.n jaya raajya kii hai, vyartha hii sukha bhoga hai .
govinda! jiivana raajya- sukha kaa kyaa hame.n upayoga hai .. 1. 32..
jinake liye sukha- bhoga sampati raajya kii ichchhaa rahii .
la.Dane kha.De hai.n aasha taja dhana aura jiivana kii vahii .. 1. 33..
aachaaryagaNa, maamaa, pitaamaha, suta, sabhii buu.De ba.De .
saale, sasura, snehii, sabhii priya pautra sambandhii kha.De .. 1. 34..
kyaa bhuumi, madhusuudana! mile trailokya kaa yadi raajya bhii .
ve maarale.n para shastra mai.n una para na chho.Duu.Ngaa kabhii .. 1. 35..
inako janaardana maarakara hogaa hame.n sa.ntaapa hii .
hai.n aatataayii maarane se para lagegaa paapa hii .. 1. 36..
maadhava! uchita vadha hai na inakaa bandhu hai.n apane sabhii .
nija bandhu_o.n ko maarakara kyaa hama sukhii ho.nge kabhii .. 1. 37..
mati manda unakii lobha se, dikhataa na unako aapa hai .
kula- naasha se kyaa doSha, priya- jana- droha se kyaa paapa hai .. 1. 38..
kula- naasha doSho.n kaa janaardana! jaba hame.n saba GYaana hai .
phira kyo.n na aise paapa se bachanaa bhalaa bhagavaana hai .. 1. 39..
kula naShTa hote bhraShTa hotaa kula- sanaatana- dharma hai .
jaba dharma jaataa aa dabaataa paapa aura adharma hai .. 1. 40..
jaba vR^iddhi hotii paapa kii kula kii biga.Datii naariyaa.N .
he kR^iShNa! phalatii phuulatii taba varNasa.nkara kyaariyaa.N .. 1. 41..
kulaghaatakii ko aura kula ko ye giraate paapa me.n .
hotaa na tarpaNa piNDa yo.n pa.Date pitara sa.ntaapa me.n .. 1. 42..
kulaghaatako.n ke varNasa.nkara- kaarakii isa paapa se .
saare sanaatana, jaati, kula ke dharma miTate aapa se .. 1. 43..
isa bhaa.Nti se kula- dharma jinake kR^iShNa hote bhraShTa hai.n .
kahate sunaa hai ve sadaa paate naraka me.n kaShTa hai.n .. 1. 44..
hama raajya sukha ke lobha se haa! paapa yaha nishchaya kiye .
udyata hu_e sambandhiyo.n ke praaNa lene ke liye .. 1. 45..
yaha Thiika ho yadi shastra le maare.n mujhe kaurava sabhii .
niHshastra ho mai.n chho.Da duu.N karanaa sabhii pratikaara bhii .. 1. 46..
sa.njaya ne kahaa - -
raNabhuumi me.n isa bhaa.Nti kahakara paartha dhanu- shara chho.Dake .
ati shoka se vyaakula hu_e baiThe vahii.N mukha mo.Dake .. 1. 47..
pahalaa adhyaaya samaapta huaa .. 1..
1. 999..
sa.njaya ne kahaa - -
aise kR^ipaayuta ashrupuurita duHkha se dahate hu_e .
kaunteya se isa bhaa.nti madhusuudana vachana kahate hu_e.. 2. 1..
shriibhagavaan ne kahaa - -
arjuna! tumhe.n sa.nkaTa- samaya me.n kyo.n hu_aa aGYaana hai .
yaha aarya- anuchita aura naashaka svarga, sukha, sammaana hai .. 2. 2..
anuchita napu.nsakataa tumhe.n he paartha! isame.n mata pa.Do .
yaha xudra kaayarataa para.ntapa! chho.Da kara aage ba.Dho .. 2. 3..
arjuna ne kahaa - -
kisa bhaa.Nti madhusuudana! samara me.n bhiiShma droNaachaarya para .
mai.n baaNa arisuudana chalaauu.N ve hamaare puujyavara .. 2. 4..
bhagavan! mahaatmaa gurujano.n kaa maaranaa na yatheShTa hai .
isase jagat me.n maa.nga bhixaa peTa- paalana shreShTha hai .. 2. 5..
ina gurujano.n ko maara kara, jo arthalolupa hai.n bane ...
unake rudhira se hii sane, sukha- bhoga ho.nge bhogane .. 2. 5..
jiite unhe.n hama yaa hame.n ve, yaha na hamako GYaata hai .
yaha bhii nahii.n hama jaanate, hitakara hame.n kyaa baata hai .. 2. 6..
jiivita na rahanaa chaahate hama, maara kara raNa me.n jinhe.n ...
dhR^itaraaShTra- suta kaurava vahii, la.Dane kha.De hai.n saamane .... 2. 6..
kaayarapane se ho gayaa saba naShTa satya- svabhaava hai .
mohita hu_ii mati ne bhulaayaa dharma kaa bhii bhaava hai ..
aayaa sharaNa huu.N aapakii mai.n shiShya shixaa diijiye ..
nishchita kaho kalyaaNakaarii karma kyaa mere liye .. 2. 7..
dhana- dhaanya- shaalii raajya niShka.nTaka mile sa.nsaara me.n .
svaamitva saare devataa_o.n kaa mile vistaara me.n ..
ko_ii kahii.n saadhana mujhe phira bhii nahii.n dikhataa aho ..
jisase ki indriya- taapakaarii shoka saaraa duura ho .. 2. 8..
sa.njaya ne kahaa - -
isa bhaa.Nti kahakara kR^iShNa se, raajana! ' la.Duu.ngaa mai.n nahii.n' .
aise vachana kaha guDaakesha avaachya ho baiThe vahii.n .. 2. 9..
usa paartha se, raNa- bhuumi me.n jo, duHkha se dahane lage .
ha.Nsate hu_e se hR^iShiikesha turanta yo.n kahane lage .. 2. 10..
shriibhagavaan ne kahaa - -
niHshochya kaa kara shoka kahataa baata praGYaavaada kii .
jiite mare kaa shoka GYaaniijana nahii.n karate kabhii .. 2. 11..
mai.n aura tuu raajaa sabhii dekho kabhii kyaa the nahii.n .
yaha bhii asambhava hama sabhii aba phira nahii.n ho.nge kahii.n .. 2. 12..
jyo.n baalapana, yauvana jaraa isa deha me.n aate sabhii .
tyo.n jiiva paataa deha aura, na dhiira mohita ho.n kabhii .. 2. 13..
shiitoShNa yaa sukha- duHkha- prada kaunteya! indriya- bhoga hai.n .
aate va jaate hai.n saho saba naashavata sa.nyoga hai.n .. 2. 14..
nara shreShTha! vaha nara shreShTha hai inase vyathaa jisako nahii.n .
vaha moxa paane yogya hai sukha dukha jise sama saba kahii.n .. 2. 15..
jo hai asat rahataa nahii.n, sat kaa na kintu abhaava hai .
lakhi anta inakaa GYaaniyo.n ne yo.n kiyaa Thaharaava hai .. 2. 16..
yaha yaada rakha avinaashi hai jisane kiyaa jaga vyaapa hai .
avinaashi kaa naashaka nahii.n ko_ii kahii.n paryaapa hai .. 2. 17..
isa deha me.n aatmaa achintya sadaiva avinaashii amara .
para deha usakii naShTa hotii astu arjuna! yuddha kara .. 2. 18..
hai jiiva marane maaranevaalaa yahii jo maanate .
yaha maarataa marataa nahii.n dono.n na ve jana jaanate .. 2. 19..
marataa na letaa janma, aba hai, phira yahii.n hogaa kahii.n .
shaashvata, puraatana, aja, amara, tana vadha kiye marataa nahii.n .. 2. 20..
avyaya ajanmaa nitya avinaashii ise jo jaanataa .
kaise kisii kaa vadha karaataa aura karataa hai bataa .. 2. 21..
jaise puraane tyaaga kara nara vastra nava badale.n sabhii .
yo.n jiirNa tana ko tyaaga nuutana deha dharataa jiiva bhii .. 2. 22..
aatmaa na kaTataa shastra se hai, aaga se jalataa nahii.n .
suukhe na aatmaa vaayu se, jala se kabhii galataa nahii.n .. 2. 23..
chhidane na jalane aura galane suukhanevaalaa kabhii .
yaha nitya nishchala, thira, sanaatana aura hai sarvatra bhii .. 2. 24..
indriya pahu.Ncha se hai pare, mana- chintanaa se duura hai .
avikaara isako jaana, dukha me.n vyartha rahanaa chuura hai .. 2. 25..
yadi maanate ho nitya marataa, janmataa rahataa yahii.n .
to bhii mahaabaaho! uchita aisii kabhii chintaa nahii.n .. 2. 26..
janme hue marate, mare nishchaya janama lete kahii.n .
aisii aTala jo baata hai usakii uchita chintaa nahii.n .. 2. 27..
avyakta praaNii aadi me.n hai.n madhya me.n dikhate sabhii .
phira anta me.n avyakta, kyaa isakii uchita chintaa kabhii .. 2. 28..
kuchha dekhate aashcharya se, aashcharyavata kahate kahii.n .
koii sune aashcharyavata, pahichaanataa phira bhii nahii.n .. 2. 29..
saare shariiro.n me.n abadha aatmaa na badha hotaa kiye .
phira praaNiyo.n kaa shoka yo.n tumako na karanaa chaahiye .. 2. 30..
phira dekhakara nija dharma, himmata haaranaa apakarma hai .
isa dharma- raNa se ba.Dha na xatriya kaa kahii.n kuchha dharma hai .. 2. 31..
raNa svargaruupii dvaara dekho khula rahaa hai aapa se .
yaha praapta hotaa xatriyo.n ko yuddha bhaagya- prataapa se .. 2. 32..
tuma dharma ke anukuula raNa se jo haTe piichhe kabhii .
nija dharma kho apakiirti loge aura loge paapa bhii .. 2. 33..
apakiirti gaaye.nge sabhii phira isa amiTa apamaana se .
apakiirti, sammaanita puruSha ko adhika praaNa- payaana se .. 2. 34..
' raNa chho.Dakara Dara se bhagaa arjuna' kahe.nge saba yahii .
sammaana karate viiravara jo, tuchchha jaane.nge vahii .. 2. 35..
kahane na kahane kii kharii khoTii kahe.nge ripu sabhii .
saamarthya- nindaa se ghanaa dukha aura kyaa hogaa kabhii .. 2. 36..
jiite rahe to raajya loge, mara gaye to svarga me.n .
isa bhaa.Nti nishchaya yuddha kaa karake uTho arivarga me.n . 2. 37..
jaya- haara, laabhaalaabha, sukha- dukha sama samajhakara saba kahii.n .
phira yuddha kara tujhako dhanurdhara ! paapa yo.n hogaa nahii.n . 2. 38..
hai saa.nkhya kaa yaha GYaana aba suna yoga kaa shubha GYaana bhii .
ho yukta jisase karma- bandhana paartha chhuTe.nge sabhii .. 2. 39..
aarambha isame.n hai amiTa yaha vighna baadhaa se pare .
isa dharma kaa paalana tanika bhii sarva sa.nkaTa ko hare .. 2. 40..
isa maarga me.n nita nishchayaatmaka- buddhi arjuna eka hai .
bahu buddhiyaa.N bahu bheda- yuta unakii jinhe.n aviveka hai .. 2. 41..
jo vedavaadii, kaamanaapriya, svarga_ichchhuka, muu.Dha hai.n .
' atirikta isake kuchha nahii.n' baate.n ba.Dhaakara yo.n kahe.n .. 2. 42..
naanaa kriyaa vistaarayuta, sukha- bhoga ke hita sarvadaa .
jisa janmaruupii karma- phala- prada baata ko kahate sadaa .. 2. 43..
usa baata se mohita hue jo bhoga- vaibhava- rata sabhii .
vyavasaaya buddhi na paartha ! unakii ho samaadhisthita kabhii .. 2. 44..
hai.n veda triguNo.n ke viShaya, tuma guNaatiita mahaana ho !
taja yoga xema va dvandva nita sattvastha aatmaavaan ho .. 2. 45..
saba ora karake praapta jala, jitanaa prayojana kuupa kaa .
utanaa prayojana veda se, vidvaana braahmaNa kaa sadaa .. 2. 46..
adhikaara kevala karma karane kaa, nahii.n phala me.n kabhii .
honaa na tuu phala- hetu bhii, mata chho.Da denaa karma bhii .. 2. 47..
aasakti saba taja siddhi aura asiddhi maana samaana hii .
yogastha hokara karma kara, hai yoga samataa- GYaana hii .. 2. 48..
isa buddhiyoga mahaana se saba karma atishaya hiina hai.n .
isa buddhi kii arjuna! sharaNa lo chaahate phala diina hai.n .. 2. 49..
jo buddhi- yuta hai paapa- puNyo.n me.n na pa.Dataa hai kabhii .
bana yoga- yuta, hai yoga hii yaha karma me.n kaushala sabhii .. 2. 50..
nita buddhi- yuta ho karma ke phala tyaagate matimaana hai.n .
ve janma- bandhana to.Da pada paate sadaiva mahaana hai.n .. 2. 51..
isa moha ke ga.ndale salila se paara mati hogii jabhii .
vairaagya hogaa saba viShaya me.n jo sunaa sunanaa abhii .. 2. 52..
shruti- bhraanta buddhi samaadhi me.n nishchala achala hogii jabhii .
he paartha! yoga samatva hogaa praapta yaha tujhako tabhii .. 2. 53..
arjuna ne kahaa - -
keshava! kise dR^i.Dha- praGYajana athavaa samaadhisthita kahe.n .
thira- buddhi kaise bolate, baiThe.n, chale.n, kaise rahe.n .. 2. 54..
shriibhagavaan ne kahaa - -
he paartha! mana kii kaamanaa jaba chho.Dataa hai jana sabhii .
ho aapa aape me.n magana dR^i.Dha- praGYa hotaa hai tabhii .. 2. 55..
sukha me.n na chaaha, na kheda jo dukha me.n kabhii anubhava kare .
thira- buddhi vaha muni, raaga evaM krodha bhaya se jo pare .. 2. 56..
shubha yaa ashubha jo bhii mile usame.n na harSha na dveSha hii .
niHsneha jo sarvatra hai, thira- buddhi hotaa hai vahii .. 2. 57..
he paartha! jyo.n kachhuaa samete a~Nga chaaro.n chhora se .
thira- buddhi jaba yo.n indriyaa.N simaTe.n viShaya kii ora se .. 2. 58..
hote viShaya saba duura hai.n aahaara jaba jana tyaagataa .
rasa kintu rahataa, brahma ko kara praapta vaha bhii bhaagataa .. 2. 59..
kaunteya! karate yatna indriya- damana hita vidvaan hai.n .
mana kintu bala se khai.ncha letii indriyaa.N balavaana hai.n .. 2. 60..
una indriyo.n ko roka, baiThe yogayuta matpara huaa .
aadhiina jisake indriyaa.N, dR^i.DhapraGYa vaha nita nara huaa .. 2. 61..
chintana viShaya kaa, sa~Nga viShayo.n me.n ba.Dhaataa hai tabhii .
phira sa.nga se ho kaamanaa, ho kaamanaa se krodha bhii .. 2. 62..
phira krodha se hai moha, sudhi ko moha karataa bhraShTa hai .
yaha sudhi gae phira buddhi vinashe, buddhi- vinashe naShTa hai .. 2. 63..
para raaga- dveSha- vihiina saarii indriyaa.N aadhiina kara .
phira bhoga karake bhii viShaya, rahataa sadaiva prasanna nara .. 2. 64..
paakara prasaada pavitra jana ke, duHkha kaTa jaate sabhii .
jaba chitta nitya prasanna rahataa, buddhi dR^I.Dha hotii tabhii .. 2. 65..
rahakara ayukta na buddhi uttama bhaavanaa hotii kahii.n .
bina bhaavanaa nahi.n shaa.nti aura ashaa.nti me.n sukha hai nahii.n .. 2. 66..
saba viShaya vicharita indriyo.n me.n, saatha mana jisake rahe .
vaha buddhi hara letii, pavana se naava jyo.n jala me.n bahe .. 2. 67..
chahu.N ora se indriya- viShaya se, indriyaa.N jaba duura hii .
rahatii haTii.n jisakii sadaa, dR^i.Dha- praGYa hotaa hai vahii .. 2. 68..
saba kii nishaa taba jaagataa yogii puruSha he taata! hai .
jisame.n sabhii jana jaagate, GYaanii puruSha kii raata hai .. 2. 69..
saba ora se paripuurNa jalanidhi me.n salila jaise sadaa .
aakara samaataa, kintu avichala sindhu rahataa sarvadaa ..
isa bhaa.Nti hii jisame.n viShaya jaakara samaa jaate sabhii .
vaha shaa.nti paataa hai, na paataa kaama- kaamii jana kabhii .. 2. 70..
saba tyaaga ichchhaa kaamanaa, jo jana vicharataa nitya hii .
mada aura mamataa hiina hokara, shaa.nti paataa hai vahii .. 2. 71..
yaha paartha! braahmiisthiti ise paa nara na mohita ho kabhii .
nirvaaNa pada ho praapta isame.n Thaira antima kaala bhii .. 2. 72..
duusaraa adhyaaya samaapta huaa .. 2..
2. 999..
arjuna ne kahaa - -
yadi he janaardana! karma se tuma buddhi kahate shreShTha ho .
to phira bhaya.nkara karma me.n mujhako lagaate kyo.n kaho .. 3. 1..
ulajhana bhare kaha vaakya, bhrama- saa Daalate bhagavaan ho .
vaha baata nishchaya kara kaho jisase mujhe kalyaaNa ho .. 3. 2..
shriibhagavaan ne kahaa - -
pahale kahii do bhaa.Nti niShThaa, GYaaniyo.n kii GYaana se .
phira yogiyo.n kii yoga- niShThaa, karmayoga vidhaana se .. 3. 3..
aarambha bina hii karma ke niShkarma ho jaate nahii.n .
saba karma hii ke tyaaga se bhii siddhi jana paate nahii.n .. 3. 4..
bina karma raha paataa nahii.n ko_ii puruSha pala bhara kabhii .
ho prakR^iti- guNa aadhiina karane karma pa.Date hai.n sabhii .. 3. 5..
karme.ndriyo.n ko roka jo mana se viShaya- chintana kare .
vaha muu.Dha paakhaNDii kahaataa dambha nija mana me.n bhare .. 3. 6..
jo roka mana se indriyaa.N aasakti bina ho nitya hii .
karmendriyo.n se karma karataa shreShTha jana arjuna! vahii .. 3. 7..
bina karma se nita shreShTha niyamita- karma karanaa dharma hai .
bina karma ke tana bhii na sadhataa kara niyata jo karma hai .. 3. 8..
taja yaGYa ke shubha karma, saare karma bandhana paartha! hai.n .
ata_eva taja aasakti saba kara karma jo yaGYaartha hai.n .. 3. 9..
vidhi ne prajaa ke saatha pahale yaGYa ko racha ke kahaa .
puure kare yaha saba manoratha, vR^iddhi ho isase mahaa .. 3. 10..
makha se karo tuma tuShTa suragaNa, ve kare.n tumako sadaa .
aise paraspara tuShTa ho, kalyaaNa paao sarvadaa .. 3. 11..
makha tR^ipta ho sura kaamanaa puurii kare.nge nitya hii .
unakaa diyaa unako na de, jo bhogataa taskara vahii .. 3. 12..
jo yaGYa me.n de bhaaga khaate paapa se chhuTa kara tare.n .
tana hetu jo paapii pakaate paapa ve bhaxaNa kare.n .. 3. 13..
sampuurNa praaNii anna se hai.n, anna hotaa vR^iShTi se .
yaha vR^iShTi hotii yaGYa se, jo karma kii shubha sR^iShTi se .. 3. 14..
phira karma hote brahma se hai.n, brahma axara se kahaa .
yo.n yaGYa me.n sarvatra- vyaapii brahma nita hii rama rahaa .. 3. 15..
chalataa na jo isa bhaa.Nti chalate chakra ke anusaara hai .
paapaayu indriyalampaTii vaha vyartha hii bhuu- bhaara hai .. 3. 16..
usako na koii laabha hai karane na karane se kahii.n .
he paartha! praaNiimaatra se usako prayojana hai nahii.n .. 3. 18..
ataeva taja aasakti, kara kartavya karma sadaiva hii .
yo.n karma jo karataa parama pada praapta karataa hai vahii .. 3. 19..
janakaadi ne bhii siddhi paa_ii karma aise hii kiye .
phira lokasa.ngraha dekha kara bhii karma karanaa chaahiye .. 3. 20..
jo kaarya karataa shreShTha jana karate vahii hai.n aura bhii .
usake pramaaNita- pa.ntha para hii paira dharate hai.n sabhii .. 3. 21..
apraapta mujhako kuchha nahii.n, jo praapta karanaa ho abhii .
trailokya me.n karanaa na kuchha, para karma karataa mai.n sabhii .. 3. 22..
aalasya tajake paartha! mai.n yadi karma me.n varatuu.N nahii.n .
saba bhaa.Nti meraa anukaraNa hii nara kare.nge saba kahii.n .. 3. 23..
yadi chho.Da duu.N mai.n karma karanaa, loka saaraa bhraShTa ho .
mai.n sarva sa.nkara kaa banuu.N kartaa, sabhii jaga naShTa ho .. 3. 24..
jyo.n muu.Dha maanava karma karate nitya karmaasakta ho .
yo.n lokasa.ngraha- hetu karataa karma, viGYa virakta ho .. 3. 25..
jo aatmarata rahataa nirantara, aatma- tR^ipta visheSha hai .
sa.ntuShTa aatmaa me.n, use karanaa nahii.n kuchha sheSha hai .. 3. 17..
GYaanii na Daale bheda karmaasakta kii mati me.n kabhii .
vaha yoga- yuta ho karma kara, unase karaaye phira sabhii .. 3. 26..
hote prakR^iti ke hii guNo.n se sarva karma vidhaana se .
mai.n karma karataa, muu.Dha- maanava maanataa abhimaana se .. 3. 27..
guNa aura karma vibhaaga ke saba tatva jo jana jaanataa .
hotaa na vaha aasakta guNa kaa khela guNa me.n maanataa .. 3. 28..
guNa karma me.n aasakta hote prakR^itiguNa mohita sabhii .
una ma.nda muu.Dho.n ko kare vichalita na GYaanii jana kabhii .. 3. 29..
adhyaatma- mati se karma arpaNa kara mujhe aage ba.Dho .
phala- aasha mamataa chho.Dakara nishchinta hokara phira la.Do .. 3. 30..
jo doSha- buddhi vihiina maanava nitya shraddhaayukta hai.n .
mere sumata anusaara karake karma ve nara mukta hai.n .. 3. 21..
jo doSha- darshii muu.Dhamati mata maanate meraa nahii.n .
ve sarvaGYaana- vimuu.Dha nara nita naShTa jaano.n saba kahii.n .. 3. 32..
varte sadaa apanii prakR^iti anusaara GYaana- nidhaana bhii .
nigraha karegaa kyaa, prakR^iti anusaara hai.n praaNii sabhii .. 3. 33..
apane viShaya me.n indriyo.n ko raaga bhii hai dveSha bhii .
ye shatru hai.n, vasha me.n na inake chaahiye aanaa kabhii .. 3. 34..
uu.Nche sulabha para- dharma se nija viguNa dharma mahaan hai .
paradharma bhayaprada, mR^ityu bhii nija dharma me.n kalyaaNa hai .. 3. 35..
arjuna ne kahaa - -
bhagavan! kaho karanaa nahii.n nara chaahataa jaba aapa hai .
phira kauna bala se khii.ncha kara usase karaataa paapa hai .. 3. 36..
shriibhagavaan ne kahaa - -
paidaa rajoguNa se huaa yaha kaama hii yaha krodha hii .
peTuu mahaapaapii karaataa paapa hai vairii yahii .. 3. 37..
jyo.n garbha jhillii se, dhue.N se aaga, shiishaa dhuula se .
yo.n kaama se rahataa Dhakaa hai, GYaana bhii ( aamuula) se .. 3. 38..
yaha kaama shatru mahaan, nitya atR^ipta agni samaana hai .
isase Dhakaa kaunteya! saare GYaaniyo.n kaa GYaana hai .. 3. 39..
mana, indriyo.n me.n, buddhi me.n yaha vaasa vairii nita kare .
inake sahaare GYaana Dhaka, jiivaatma ko mohita kare .. 3. 40..
indriya- damana karake karo phira naasha shatru mahaan kaa .
paapii sadaa yaha naashakaarii GYaana kaa viGYaana kaa .. 3. 41..
hai.n shreShTha indriya, indriyo.n se paartha! mana maano pare .
mana se pare phira buddhi, aatmaa buddhi se jaano pare .. 3. 42..
yo.n buddhi se aatmaa pare hai jaana isake GYaana ko .
mana vashya karake jiita durjaya kaama shatru mahaan ko .. 3. 43..
tiisaraa adhyaaya samaapta huaa .. 3..
3. 999..
shriibhagavaan ne kahaa - -
mai.nne kahaa thaa suurya ke prati yoga yaha avyaya mahaa .
phira suurya ne manu se kahaa ixvaaku se manu ne kahaa .. 4. 1..
yo.n raajaR^iShi parichita hue suparamparaagata yoga se .
isa loka me.n vaha miTa gayaa bahu kaala ke sa.nyoga se .. 4. 2..
mai.nne samajhakara yaha puraatana yoga- shreShTha rahasya hai .
tujhase kahaa saba kyo.nki tuu mama bhakta aura vayasya hai .. 4. 3..
arjuna ne kahaa - -
paidaa hue the suurya pahale aapa janme hai.n abhii .
mai.n maanaluu.n kaise kahaa yaha aapane unase kabhii .. 4. 4..
shriibhagavaan ne kahaa - -
mai.n aura tuu arjuna! aneko.n baara janme hai.n kahii.n .
saba jaanataa huu.N mai.n para.ntapa! GYaana tujhako hai nahii.n .. 4. 5..
yadyapi ajanmaa, praaNiyo.n kaa iisha mai.n avyaya param .
para nija prakR^iti aadhiina kara, luu.n janma maayaa se svayam .. 4. 6..
he paartha! jaba jaba dharma ghaTataa aura ba.Dhataa paapa hii .
taba taba prakaTa mai.n ruupa apanaa nitya karataa aapa hii .. 4. 7..
sajjana jano.n kaa traaNa karane duShTa- jana- sa.nhaara- hita .
yuga- yuga prakaTa hotaa svayaM mai.n, dharma ke uddhaara hita .. 4. 8..
jo divya meraa janma karma rahasya se saba jaana le .
mujhame.n mile tana tyaaga arjuna! phira na vaha jana janma le .. 4. 9..
manmaya mamaashrita jana hue bhaya krodha raaga- vihiina hai.n .
tapa yaGYa se ho shuddha bahu mujhame.n hue lavaliina hai.n .. 4. 10..
jisa bhaa.Nti jo bhajate mujhe usa bhaa.Nti duu.n phala- bhoga bhii .
saba ora se hii vartate mama maarga me.n maanava sabhii .. 4. 11..
isa loka me.n karate phalechchhuka devataa- aaraadhanaa .
tatkaala hotii puurNa unakii karma phala kii saadhanaa .. 4. 12..
mai.nne banaaye karma guNa ke bheda se chahu.N varNa bhii .
kartaa unho.n kaa jaana tuu, avyaya akartaa mai.n sabhii .. 4. 13..
phala kii na mujhako chaaha ba.Ndhataa mai.n na karmo.n se kahii.n .
yo.n jaanataa hai jo mujhe vaha karma se ba.Ndhataa nahii.n .. 4. 14..
yaha jaana karma mumuxapuruSho.n ne sadaa pahale kiye .
praachiina puurvaja- kR^ita karo aba karma tuma isa hii liye .. 4. 15..
kyaa karma aura akarma hai bhuule yahii vidvaan bhii .
jo jaana paapo.n se chhuTo, vaha karma kahataa huu.N sabhii .. 4. 16..
he paartha! karma akarma aura vikarma kaa kyaa GYaana hai .
yaha jaana lo saba, karma kii gati gahana aura mahaan hai .. 4. 17..
jo karma me.n dekhe akarma, akarma me.n bhii karma hii .
hai yoga- yuta GYaanii vahii, saba karma karataa hai vahii .. 4. 18..
GYaanii use pa.nDita kahe.n udyoga jisake ho.n sabhii .
phala- vaasanaa bina, bhasma ho.n GYaanaagni me.n saba karma bhii .. 4. 19..
jo hai niraashraya tR^Ipta nita, phala kaamanaae.N taja sabhii .
vaha karma saba karataa huaa, kuchha bhii nahii.n karataa kabhii .. 4. 20..
jo kaamanaa taja, sarvasa.ngraha tyaaga, mana vasha me.n kare .
kevala kare jo karma daihika, paapa se hai vaha pare .. 4. 21..
bina dveSha dvandva asiddhi siddhi samaana hai.n jisako sabhii .
jo hai yadR^ichchhaa- laabha- tR^ipta na baddha vaha kara karma bhii .. 4. 22..
chita GYaana me.n jinakaa sadaa jo mukta sa.nga- vihiina ho.n .
yaGYaartha karate karma unake sarva karma viliina ho.n .. 4. 23..
makha brahma se, brahmaagni se, havi brahma, arpaNa brahma hai .
saba karma jisako brahma, karataa praapta vaha jana brahma hai .. 4. 24..
yogii puruSha kuchha daiva- yaGYa upaasanaa me.n mana dhare.n .
brahmaagni me.n kuchha yaGYa dvaaraa yaGYa GYaanii jana kare.n .. 4. 25..
kuchha ho.nmate shrotraadi indriya sa.nyamo.n kii aaga me.n .
indriya- anala me.n kuchha viShaya shabdaadi aahuti de rame.n .. 4. 26..
kara aatma- sa.nyamaruupa yogaanala pradiipta suGYaana se .
kuchha praaNa evaM indriyo.n ke karma home.n dhyaana se .. 4. 27..
kuchha sa.nyamii jana yaGYa karate yoga, tapa se, daana se .
svaadhyaaya se karate yatii, kuchha yaGYa karate GYaana se .. 4. 28..
kuchha praaNa me.n home.n apaana va praaNavaayu apaana me.n .
kuchha roka praaNa apaana praaNaayaama hii ke dhyaana me.n .. 4. 29..
kuchha mitaahaarii havana karate, praaNa hii me.n praaNa hai.n .
xaya paapa yaGYo.n se kiye, ye yaGYa- viGYa mahaan hai.n .. 4. 30..
jo yaGYa kaa avasheSha khaate, brahma ko paate sabhii .
paraloka to kyaa, yaGYa- tyaagii ko nahii.n yaha loka bhii . 4. 31..
bahu bhaa.Nti se yo.n brahma- mukha me.n yaGYa kaa vistaara hai .
hote sabhii hai.n karma se, yaha jaana kara nistaara hai .. 4. 32..
dhana- yaGYa se samajho sadaa hii GYaana- yaGYa pradhaana hai .
saba karma kaa nita GYaana me.n hii paartha! paryavasaana hai .. 4. 33..
sevaa vinaya praNipaata puurvaka prashna puuchho dhyaana se .
upadesha de.nge GYaana kaa taba tattva- darshii GYaana se .. 4. 34..
hogaa nahii.n phira moha aise shreShTha shuddha viveka se .
taba hii dikhe.nge jiiva mujhame.n aura tujhame.n eka se .. 4. 35..
teraa kahii.n yadi paapiyo.n se ghora paapaachaara ho .
isa GYaana nayyaa se sahaja me.n paapa saagara paara ho .. 4. 36..
jyo.n paartha! paavaka prajjvalita ii.ndhana jalaatii hai sadaa .
GYaanaagni saare karma karatii bhasma yo.n hii sarvadaa .. 4. 37..
isa loka me.n saadhana pavitra na aura GYaana samaana hai .
yogii puruSha paakara samaya paataa svayaM hii GYaana hai .. 4. 38..
jo karma- tatpara hai jitendriya aura shraddhaavaan hai .
vaha praapta karake GYaana paataa shiighra shaanti mahaan hai .. 4. 39..
jisame.n na shraddhaa GYaana, sa.nshayavaana Duube saba kahii.n .
usake liye sukha, loka yaa paraloka kuchha bhii hai nahii.n .. 4. 40..
taja yoga- bala se karma, kaaTe GYaana se sa.nshaya sabhii .
usa aatma- GYaanii ko na baa.ndhe karma bandhana me.n kabhii .. 4. 41..
aGYaana se jo bhrama hR^idaya me.n, kaaTa GYaana kR^ipaana se .
arjuna kha.Daa ho yuddha kara, ho yoga aashrita GYaana se .. 4. 42..
chauthaa adhyaaya samaapta huaa .. 4..
4. 999..
arjuna ne kahaa - -
kahate kabhii ho yoga ko uttama kabhii sa.nnyaasa ko .
ke kR^iShNa! nishchaya kara kaho vaha eka jisase shreya ho .. 5. 1..
shriibhagavaan ne kahaa - -
sa.nnyaasa evaM yoga dono.n moxakaarii hai.n mahaa .
sa.nnyaasa se para karmayoga mahaan hitakaarii kahaa .. 5. 2..
hai nitya sa.nyaasii na jisame.n dveSha yaa ichchhaa rahii .
taja dvandva sukha se sarva bandhana- mukta hotaa hai vahii .. 5. 3..
hai ' saa.nkhya' ' yoga' vibhinna kahate muu.Dha, nahi.n paNDita kahe.n .
paate ubhaya phala eka ke jo puurNa saadhana me.n rahe.n .. 5. 4..
paate sugati jo saa.nkhya- GYaanii karma- yogii bhii vahii .
jo saa.nkhya, yoga samaana jaane tatva pahichaane sahii .. 5. 5..
niShkaama- karma- vihiina ho, paana kaThina sa.nnyaasa hai .
muni karma- yogii shiighra karataa brahma me.n hii vaasa hai .. 5. 6..
jo yoga yuta hai, shuddha mana, nija aatmayuta dekhe sabhii .
vaha aatma- indriya jiita jana, nahi.n lipta karake karma bhii .. 5. 7..
tattvaGYa samajhe yukta mai.n karataa na kuchha khaataa huaa .
paataa nirakhataa suu.Nghataa sunataa huaa jaataa huaa .. 5. 8..
chhuute va sote saa.Nsa lete chho.Date yaa bolate .
varte viShaya me.n indriyaa.N dR^iga banda karate kholate .. 5. 9..
aasakti taja jo brahma- arpaNa karma karataa aapa hai .
jaise kamala ko jala nahii.n lagataa use yo.n paapa hai . 5. 10..
mana, buddhi, tana se aura kevala indriyo.n se bhii kabhii .
taja sa.nga, yogii karma karate aatma- shodhana- hita sabhii .. 5. 11..
phala se sadaiva virakta ho chira- shaanti paataa yukta hai .
phala- kaamanaa me.n sakta ho ba.Ndhataa sadaiva ayukta hai .. 5. 12..
saba karma taja mana se jitendriya jiivadhaarii moda se .
bina kuchha karaaye yaa kiye nava- dvaara- pura me.n nita base .. 5. 13..
katR^itva karma na, karma- phala- sa.nyoga jagadiishvara kabhii .
rachataa nahii.n arjuna! sadaiva svabhaava karataa hai sabhii .. 5. 14..
iishvara na letaa hai kisii kaa puNya athavaa paapa hii .
hai GYaana maayaa se Dhakaa yo.n jiiva mohita aapa hii .. 5. 15..
para duura hotaa GYaana se jinakaa hR^idaya- aGYaana hai .
karataa prakaashita ' tattva' unakaa GYaana suurya samaana hai .. 5. 16..
tanniShTha tatpara jo usii me.n, buddhi mana dharate vahii.n .
ve GYaana se niShpaapa hokara janma phira lete nahii.n .. 5. 17..
vidyaa_vinaya- yuta- dvija, shvapacha, chaahe gaU, gaja, shvaana hai .
sabake viShaya me.n GYaaniyo.n kii dR^iShTi eka samaana hai .. 5. 18..
jo jana rakhe.n mana saamya me.n ve jiita lete jaga yahii.n .
para brahma sama nirdoSha hai, yo.n brahma me.n ve saba kahii.n .. 5. 19..
priya vastu paa na prasanna, apriya paa na jo sukha- hiina hai .
nirmoha dR^iDha- mati brahmavettaa brahma me.n lavaliina hai .. 5. 20..
nahi.n bhoga- viShayaasakta jo jana aatma- sukha paataa vahii .
vaha brahmayuta, anubhava kare axaya mahaasukhanitya hii .. 5. 21..
jo baaharii sa.nyoga se hai.n bhoga dukhakaaraNa sabhii .
hai aadi unakaa anta, uname.n viGYa nahi.n ramate kabhii .. 5. 22..
jo kaama- krodhaavega sahataa hai maraNa paryanta hii .
sa.nsaara me.n yogii vahii nara sukha sadaa paataa vahii .. 5. 23..
jo aatmarata antaH sukhii hai jyoti jisame.n vyaapta hai .
vaha yukta brahma- svaruupa ho nirvaaNa karataa praapta hai .. 5. 24..
niShpaapa jo kara aatma- sa.nyama dvandva- buddhi- vihiina hai.n .
rata jiivahita me.n, brahma me.n hote vahii jana liina hai.n .. 5. 25..
yati kaama krodha vihiina jiname.n aatma- GYaana pradhaana hai .
jiitaa jinho.nne mana unhe.n saba ora hii nirvaaNa hai .. 5. 26..
dhara dR^iShTi bhR^ikuTii madhya me.n taja baahya viShayo.n ko sabhii .
nita naasikaachaarii kiye sama praaNa aura apaana bhii .. 5. 27..
vasha me.n kare mana buddhi indriya moxa me.n jo yukta hai .
bhaya krodha ichchhaa tyaaga kara vaha muni sadaa hii mukta hai .. 5. 28..
jaane mujhe tapa yaGYa bhoktaa loka svaamii nitya hii .
saba praaNiyo.n kaa mitra jaane shaanti paataa hai vahii .. 5. 29..
paa.nchavaa adhyaaya samaapta huaa .. 5..
5. 999..
shriibhagavaan ne kahaa - -
phala- aasha taja, kartavya karma sadaiva jo karataa, vahii .
yogii va sa.nnyaasii, na jo bina agni yaa bina karma hii .. 6. 1..
vaha yoga hii samajho jise sa.nnyaasa kahate hai.n sabhii .
sa.nkalpa ke sa.nnyaasa bina banataa nahii.n yogii kabhii .. 6. 2..
jo yoga- saadhana chaahataa muni, hetu usakaa karma hai .
ho yoga me.n aaruu.Dha, usakaa hetu upashama dharma hai .. 6. 3..
jaba duura viShayo.n se, na ho aasakta karmo.n me.n kabhii .
sa.nkalpa tyaage sarva, yogaaruu.Dha kahalaataa tabhii .. 6. 4..
uddhaara apanaa aapa kara, nija ko na girane de kabhii .
vaha aapa hii hai shatru apanaa, aapa hii hai mitra bhii .. 6. 5..
jo jiita letaa aapako vaha bandhu apanaa aapa hii .
jaanaa na apane ko svayaM ripu sii kare riputaa vahii .. 6. 6..
ati shaanta jana, manajiita kaa aatmaa sadaiva samaana hai .
sukha- duHkha, shiitala- uuShNa athavaa maana yaa apamaana hai .. 6. 7..
kuuTastha indriyajiita jisame.n GYaana hai viGYaana hai .
vaha yukta jisako svarNa, patthara, dhuula eka samaana hai .. 6. 8..
vairii, suhR^ida, madhyastha, saadhu, asaadhu, jinase dveSha hai .
baandhava, udaasii, mitra me.n sama buddhi puruSha visheSha hai .. 6. 9..
chita- aatma- sa.nyama nitya ekaakii kare ekaanta me.n .
taja aasha- sa.ngraha nita nirantara yoga me.n yogii rame.n .. 6. 10..
aasana dhare shuchi- bhuumi para thira, uu.Ncha niicha na Thaura ho .
kusha para bichhaa mR^igachhaala, usa para vastra paavana aura ho .. 6. 11..
ekaagra kara mana, roka indriya chitta ke vyaapaara ko .
phira aatma- shodhana hetu baiThe nitya yogaachaara ko .. 6. 12..
hokara achala, dR^i.Dha, shiisha griivaa aura kaayaa sama kare .
dishi anya avaloke nahii.n naasaagra para hii dR^iga dhare .. 6. 13..
bana brahmachaarii shaanta, mana- sa.nyama kare bhaya- mukta ho .
ho matparaayaNa chitta mujhame.n hii lagaakara yukta ho .. 6. 14..
yo.n jo niyata- chita yukta yogaabhyaasa me.n rata nitya hii .
mujhame.n Tikii nirvaaNa paramaa shaa.nti paataa hai vahii .. 6. 15..
yaha yoga ati khaakara na sadhataa hai na ati upavaasa se .
sadhataa na atishaya nii.nda athavaa jaagaraNa ke traasa se .. 6. 16..
jaba yukta sonaa jaaganaa aahaara aura vihaara ho.n .
ho duHkhahaarii yoga jaba parimita sabhii vyavahaara ho.n .. 6. 17..
sa.nyata huaa chita aatma hii me.n nitya rama rahataa jabhii .
rahatii na koii kaamanaa nara yukta kahalaataa tabhii .. 6. 18..
avichala rahe bina vaayu diipaka- jyoti jaise nitya hii .
hai chittasa.nyata yoga- saadhaka yukta kii upamaa vahii .. 6. 19..
ramataa jahaa.N chita yoga- sevana se niruddha sadaiva hai .
jaba dekha apane aapako sa.ntuShTa aatmaa me.n rahe .. 6. 20..
indriya- agochara buddhi- gamya ananta sukha anubhava kare .
jisame.n ramaa yogii na Digataa tattva se tila bhara pare .. 6. 21..
paakara jise jaga me.n na uttama laabha dikhataa hai kahii.n .
jisame.n jame jana ko kaThina dukha bhii Digaa paataa nahii.n .. 6. 22..
kahate use hii yoga jisame.n sarvaduHkha viyoga hai .
dR^i.Dha- chitta hokara saadhane ke yogya hii yaha yoga hai .. 6. 23..
sa.nkalpa se utpanna saarii kaamanaae.N chho.Dake .
manase sadaa saba ora se hii indriyo.n ko mo.Dake .. 6. 24..
ho shaanta kramashaH dhiira mati se aatma- susthira mana kare .
koii viShaya kaa phira na ki.nchit chitta me.n chintana kare .. 6. 25..
yaha mana chapala asthira jahaa.N se bhaaga kara jaaye pare .
roke vahii.n se aura phira aadhiina aatmaa ke kare .. 6. 26..
jo brahmabhuuta, prashaanta- mana, jana raja- rahita niShpaapa hai .
usa karmayogii ko parama sukha praapta hotaa aapa hai .. 6. 27..
niShpaapa ho isa bhaa.Nti jo karataa nirantara yoga hai .
vaha brahma- praapti- svaruupa- sukha karataa sadaa upabhoga hai .. 6. 28..
yuktaatma samadarshii puruSha sarvatra hii dekhe sadaa .
mai.n praaNiyo.n me.n aura praaNiimaatra mujhame.n sarvadaa .. 6. 29..
jo dekhataa mujhame.n sabhii ko aura mujhako saba kahii.n .
mai.n duura usa nara se nahii.n vaha duura mujhase hai nahii.n .. 6. 30..
ekatva- mati se jaana jiivo.n me.n mujhe nara nitya hii .
bhajataa rahe jo, sarvathaa kara karma mujhame.n hai vahii .. 6. 31..
sukha- duHkha apanaa aura auro.n kaa samasta samaana hai .
jo jaanataa arjuna! vahii yogii sadaiva pradhaana hai .. 6. 32..
arjuna ne kahaa - -
jo saamya- mati se praapya tumane yoga madhusuudana! kahaa .
mana kii chapalataa se mahaa asthira mujhe vaha dikha rahaa .. 6. 33..
he kR^iShNa! mana cha~nchala haThii balavaan hai dR^i.Dha hai ghanaa .
mana saadhanaa duShkara dikhe jaise havaa kaa baa.Ndhanaa .. 6. 34..
shrii bhagavaan ne kahaa - -
cha.nchala asa.nshaya mana mahaabaaho! kaThina saadhana ghanaa .
abhyaasa aura viraaga se para paartha! hotii saadhanaa .. 6. 35..
jiitaa na jo mana, yoga hai duShpraapya mata meraa yahii .
mana jiita kara jo yatna karataa praapta karataa hai vahii .. 6. 36..
arjuna ne kahaa - -
jo yoga- vichalita yatnahiina parantu shraddhaavaan ho .
vaha yoga- siddhi na praapta kara, gati kauna sii paataa kaho? 6. 37..
mohita niraashraya, brahma- patha me.n ho ubhaya patha- bhraShTa kyaa .
vaha baadalo.n- saa chhinna ho, hotaa sadaiva vinaShTa kyaa ? 6. 38..
he kR^iShNa! karuNaa kara sakala sandeha meraa meTiye .
taja kara tumhe.n hai kauna yaha bhrama duura karane ke liye ? 6. 39..
shriibhagavaan ne kahaa - -
isa loka me.n paraloka me.n vaha naShTa hotaa hai nahii.n .
kalyaaNakaarii- karma karane me.n nahii.n durgati kahii.n .. 6. 40..
shubha loka paakara puNyavaano.n kaa, rahe varSho.n vahii.n .
phira yoga- vichalita janmataa shriimaan shuchi ke ghara kahii.n .. 6. 41..
yaa janma letaa shreShTha GYaanii yogiyo.n ke va.nsha me.n .
durlabha sadaa sa.nsaara me.n hai janma aise a.nsha me.n .. 6. 42..
paataa vahaa.N phira puurva- mati- sa.nyoga vaha nara- ratna hai .
usa buddhi se phira siddhi ke karataa sadaiva prayatna hai .. 6. 43..
he paartha! puurvaabhyaasa se khi.nchataa udhara laachaara ho .
ho yoga- ichchhuka veda- varNita karma- phala se paara ho .. 6. 44..
ati yatna se vaha yogasevii sarvapaapa- vihiina ho .
bahu janma piichhe siddha hokara parama gati me.n liina ho .. 6. 45..
saare tapasvii. GYaaniyo.n se, karmaniShTho.n se sadaa .
hai shreShTha yogii, paartha! ho isa hetu yogii sarvadaa .. 6. 46..
saba yogiyo.n me.n maanataa mai.n yuktatama yogii vahii .
shraddhaa- sahita mama dhyaana dhara bhajataa mujhe jo nitya hii .. 6. 47..
chhaThaa adhyaaya samaapta huaa .. 6..
6. 999..
shriibhagavaan ne kahaa - -
mujhame.n lagaa kara chitta mere aasare kara yoga bhii .
jaisaa asa.nshaya puurNa jaanegaa mujhe vaha suna sabhii .. 7. 1..
viGYaana- yuta vaha GYaana kahataa huu.N sabhii vistaara me.n .
jo jaana kara kuchha jaananaa rahataa nahii.n sa.nsaara me.n .. 7. 2..
koii sahasro.n maanavo.n me.n siddhi karanaa Thaanataa .
una yatnashiilo.n me.n mujhe koii yathaavat jaanataa .. 7. 3..
pR^ithvii, pavana, jala, teja, nabha, mana, aha.nkaara va buddhi bhii .
ina aaTha bhaago.n me.n vibhaajita hai prakR^iti merii sabhii .. 7. 4..
he paartha! vaha ' aparaa' prakR^iti kaa jaana lo vistaara hai .
phira hai ' paraa' yaha jiiva jo sa.nsaara kaa aadhaara hai .. 7. 5..
utpanna dono.n se inhii.n se jiiva hai.n jaga ke sabhii .
mai.n muula saba sa.nsaara kaa huu.N aura mai.n hii anta bhii .. 7. 6..
mujhase pare kuchha bhii nahii.n sa.nsaara kaa vistaara hai .
jisa bhaa.nti maalaa me.n maNii, mujhame.n guthaa sa.nsaara hai .. 7. 7..
aakaasha me.n dhvani, niira me.n rasa, veda me.n oMkaara huu.N .
pauruSha puruSha me.n, chaa.Nda suuraja me.n prabhaamaya saara huu.N .. 7. 8..
shubha gandha vasudhaa me.n sadaa mai.n praaNiyo.n me.n praaNa huu.N .
mai.n agni me.n huu.N teja, tapiyo.n me.n tapasyaa GYaana huu.N .. 7. 9..
he paartha! jiivo.n kaa sanaatana biija huu.N, aadhaara huu.N .
tejasviyo.n me.n teja, budha me.n buddhi kaa bhaNDaara huu.N .. 7. 10..
he paartha! mai.n kaamaadi raaga- vihiina bala balavaan kaa .
mai.n kaama bhii huu.N dharma ke aviruddha vidyaavaan kaa .. 7. 11..
sata aura raja, tama bhaava mujhase hii hue hai.n ye sabhii .
mujhame.n sabhii ye kintu mai.n uname.n nahii.n rahataa kabhii .. 7. 12..
ina triguNa bhaavo.n me.n sabhii bhuulaa huaa sa.nsaara hai .
jaane na avyaya- tattva meraa jo guNo.n se paara hai .. 7. 13..
yaha triguNadaivii ghora maayaa agama aura apaara hai .
aataa sharaNa merii vahii jaataa sahaja me.n paara hai .. 7. 14..
paapii, naraadhama, GYaana maayaa ne haraa jinakaa sabhii .
ve muu.Dha aasura buddhi- vasha mujhako nahii.n bhajate kabhii .. 7. 15..
arjuna! mujhe bhajataa sukR^iti- samudaaya chaara prakaara kaa .
jiGYaasu, GYaaniijana, dukhii- mana, artha- priya sa.nsaara kaa .. 7. 16..
nita- yukta GYaanii ShreShTha, jo mujhame.n ananyaasakta hai .
mai.n kyo.nki GYaanii ko parama priya, priya mujhe vaha bhakta hai .. 7. 17..
ve saba udaara, parantu meraa praaNa GYaanii bhakta hai .
vaha yukta jana, sarvochcha- gati mujhame.n sadaa anurakta hai .. 7. 18..
janmaantaro.n me.n jaanakara, ' saba vaasudeva yathaartha hai' .
GYaanii mujhe bhajataa, sudurlabha vaha mahaatmaa paartha hai .. 7. 19..
nija prakR^iti- prerita, kaamanaa dvaaraa hue hata GYaana se .
kara niyama bhajate vividha vidha nara anya deva vidhaana se .. 7. 20..
jo jo ki jisa jisa ruupa kii puujaa kare nara nitya hii .
usa bhakta kii karataa usii me.n, mai.n achala shraddhaa vahii .. 7. 21..
usa devataa ko puujataa phira vaha, vahii shraddhaa liye .
nija iShTa- phala paataa sakala, nirmaaNa jo maine kiye .. 7. 22..
ye mandamati nara kintu paate, antavata phala sarvadaa .
sura- bhakta sura me.n, bhakta mere, aa mile.n mujhame.n sadaa .. 7. 23..
avyakta mujhako vyakta, maanava muu.Dha lete maana hai.n .
avinaashi anupama bhaava meraa ve na paate jaana hai.n .. 7. 24..
nija yogamaayaa se Dhakaa sabako na mai.n, dikhataa kahii.n .
avyaya ajanmaa mai.n, mujhe para muu.Dha nara jaane.n nahii.n .. 7. 25..
ho.nge, hue hai.n, jiiva jo mujhako sabhii kaa GYaana hai .
inako kisii ko kintu kuchha merii nahii.n pahichaana hai .. 7. 26..
utpanna ichchhaa dveSha se jo dvandva jaga me.n vyaapta hai.n .
unase para.ntapa ! sarva praaNii moha karate praapta hai.n .. 7. 27..
para puNyavaan manuShya jinake chhuTa gaye saba paapa hai.n .
dR^i.Dha dvandva- moha- vihiina ho bhajate mujhe ve aapa hai.n .. 7. 28..
karate mamaashrita jo jaraa- mR^iti- moxa ke hita saadhanaa .
ve jaanate hai.n brahma, saba adhyaatma, karma mahaamanaa .. 7. 29..
adhi- bhuuta, daiva va yaGYa- yuta, jo viGYa mujhako jaanate ..
ve yukta- chita marate samaya me.n bhii mujhe pahichaanate .. 7. 30..
saatavaa.n adhyaaya samaapta huaa .. 7..
7. 999..
arjuna ne kahaa - -
he kR^iShNa! kyaa vaha brahma? kyaa adhyaatma hai? kyaa karma hai?
adhibhuuta kahate hai.n kise? adhideva kaa kyaa marma hai ? 8. 1..
isa deha me.n adhiyaGYa kaise aura kisako maanate ?
marate samaya kaise jitendriya jana tumhe.n pahichaanate ? 8. 2..
shriibhagavaan ne kahaa - -
axara parama vaha brahma hai, adhyaatma jiiva svabhaava hii .
jo bhuutabhaavodbhava kare vyaapaara karma kahaa vahii .. 8. 3..
adhibhuuta nashvara bhaava hai, chetana puruSha adhidaiva hii .
adhiyaGYa mai.n saba praaNiyo.n ke deha biicha sadaiva hii .. 8. 4..
tana tyaagataa jo anta me.n meraa manana karataa huaa .
mujhame.n asa.nshaya nara mile vaha dhyaana yo.n dharataa huaa .. 8. 5..
antima samaya tana tyaagataa jisa bhaava se jana vyaapta ho .
usame.n ra.ngaa rahakara sadaa, usa bhaava hii ko praapta ho .. 8. 6..
isa hetu mujhako nita nirantara hii samara kara yuddha bhii .
sa.nshaya nahii.n, mujhame.n mile, mana buddhi mujhame.n dhara sabhii .. 8. 7..
abhyaasa- bala se yukta yogii chitta apanaa saadha ke .
uttama puruSha ko praapta hotaa hai use aaraadha ke .. 8. 8..
sarvaGYa shaastaa suuxmatama aaditya- sama tama se pare .
jo nita achintya anaadi sarvaadhaara kaa chintana kare .. 8. 9..
kara yoga- bala se praaNa bhR^ikuTii- madhya antima kaala me.n .
nishchala huaa vaha bhakta milataa divya puruSha vishaala me.n .. 8. 10..
axara kahe.n vedaGYa, jisame.n raaga taja yati jana jame.n .
ho.n brahmachaarii jisaliye, vaha pada suno sa.nxepa me.n .. 8. 11..
saba indriyo.n ko saadhakara nishchala hR^idaya me.n mana dhare .
phira praaNa mastaka me.n jamaa kara dhaaraNaa yogii kare .. 8. 12..
meraa lagaataa dhyaana kahataa OM axara brahma hii .
tana tyaaga jaataa jiiva jo paataa parama gati hai vahii .. 8. 13..
bhajataa mujhe jo jana sadaiva ananya mana se priiti se .
nija yukta yogii vaha mujhe paataa sarala- sii riiti se .. 8. 14..
paae hue hai.n siddhi- uttama jo mahaatmaa- jana sabhii .
paakara mujhe dukha- dhaama nashvara- janma nahi.n paate kabhii .. 8. 15..
vidhiloka taka jaakara punaH jana janma paate hai.n yahii.n .
para paa gae arjuna! mujhe ve janma phira paate nahii.n .. 8. 16..
dina- raata brahmaa kii, sahasro.n yuga ba.Dii jo jaanate .
ve hii puruSha dina- raina kii gati Thiika hai.n pahichaanate .. 8. 17..
jaba ho divasa avyakta se saba vyakta hote hai.n tabhii .
phira raatri hote hii usii avyakta me.n laya ho.n sabhii .. 8. 18..
hotaa vivasha saba bhuuta- gaNa utpanna baarambaara hai .
laya raatri me.n hotaa divasa me.n janma letaa dhaara hai .. 8. 19..
isase pare phira aura hii avyakta nitya- padaartha hai .
saba jiiva vinashe bhii nahii.n vaha naShTa hotaa paartha hai .. 8. 20..
kahate parama gati hai.n jise avyakta axara naama hai .
paakara jise lauTe.n na phira meraa vahii para dhaama hai .. 8. 21..
saba jiiva jisame.n hai.n sakala sa.nsaara jisase vyaapta hai .
vaha para- puruSha hotaa ananya subhakti se hii praapta hai .. 8. 22..
vaha kaala suna, tana tyaaga jisame.n lauTate yogii nahii.n .
vaha bhii kahuu.ngaa kaala jaba mara lauTa kara aate yahii.n .. 8. 23..
dina, agni, jvaalaa, shuklapakha, ShaT uttaraayaNa maasa me.n .
tana tyaaga jaate brahmavaadii, brahma hii ke paasa me.n .. 8. 24..
nishi, dhuumra me.n mara kR^iShNapakha, ShaT daxiNaayana maasa me.n .
nara chandraloka vishaala me.n basa phira pha.Nse bhava- traasa me.n .. 8. 25..
ye shukla, kR^iShNa sadaiva do gati vishva kii GYaanii kahe.n .
de mukti pahalii, duusarii se lauTa phira jaga me.n rahe.n .. 8. 26..
ye maarga dono.n jaana, yogii moha me.n pa.Dataa nahii.n .
isa hetu arjuna! yoga- yuta saba kaala me.n ho saba kahii.n .. 8. 27..
jo kuchha kahaa hai puNyaphala, makha veda se tapa daana se .
saba chho.Da aadisthaana le, yogii puruSha isa GYaana se .. 8. 28..
aaThavaa.n adhyaaya samaapta huaa .. 8..
8. 999..
shriibhagavaan ne kahaa - -
aba doShadarshii tuu nahii.n yo.n, gupta, saha- viGYaana ke .
vaha GYaana kahataa huu.N, ashubha se mukta ho jana jaana ke .. 9. 1..
yaha raajavidyaa, parama- gupta, pavitra, uttama- GYaana hai .
pratyaxa phalaprada, dharmayuta, avyaya, sarala, sukha- khaana hai .. 9. 2..
shraddhaa na jinako paartha hai isa dharma ke shubha saara me.n .
mujhako na paakara lauTa aate mR^ityumaya sa.nsaara me.n .. 9. 3..
avyakta apane ruupa se jaga vyaapta mai.n karataa sabhii .
mujhame.n sabhii praaNii samajha para mai.n nahii.n uname.n kabhii .. 9. 4..
mujhame.n nahii.n hai.n bhuuta dekho yoga- shakti- prabhaava hai .
utpanna karataa paalataa unase na kintu lagaava hai .. 9. 5..
saba ora rahatii vaayu hai aakaasha me.n jisa bhaa.Nti se .
mujhame.n sadaa hii hai.n samajha saba bhuutagaNa isa bhaa.Nti se .. 9. 6..
kalpaanta me.n merii prakR^iti me.n jiiva laya hote sabhii .
jaba kalpa kaa aarambha ho, mai.n phira unhe.n rachataa tabhii .. 9. 7..
apanii prakR^iti aadhiina kara, isa bhuutagaNa ko mai.n sadaa .
utpanna baarambaara karataa, jo prakR^itivasha sarvadaa .. 9. 8..
ba.Ndhataa nahii.n huu.N paartha! mai.n isa karma- bandhana me.n kabhii .
rahakara udaasii- saa sadaa aasakti taja karataa sabhii .. 9. 9..
adhikaara se mere prakR^iti rachatii charaachara vishva hai .
isa hetu phirakii kii taraha phirataa baraabara vishva hai .. 9. 10..
mai.n praaNiyo.n kaa iisha huu.N, isa bhaava ko nahi.n jaana ke .
karate avaGYaa ja.Da, mujhe nara- dehadhaarii maana ke .. 9. 11..
chitta bhraShTa, aashaa GYaana karma nirartha saare hii kiye .
ve aasurii ati raaxasiiya svabhaava mohaatmaka liye .. 9. 12..
daivii prakR^iti ke aasare budha- jana bhajana meraa kare.n .
bhuutaadi avyaya jaana paartha! ananya mana se mana dhare.n .. 9. 13..
nita yatna se kiirtana kare.n dR^i.Dha vrata sadaa dharate hue .
karate bhajana hai.n bhakti se mama vandanaa karate hue .. 9. 14..
kuchha bheda aura abheda se kuchha GYaana- yaGYa vidhaana se .
puujana kare.n meraa kahii.n kuchha sarvatomukha dhyaana se .. 9. 15..
mai.n yaGYa shrautasmaarta huu.N evaM svadhaa aadhaara huu.N .
ghR^ita aura auShadhi, agni, aahuti, mantra kaa mai.n saara huu.N .. 9. 16..
jaga kaa pitaa maataa pitaamaha vishva- poShaNa- haara huu.N .
R^ik saama yaju shruti jaanane ke yogya shuchi oMkaara huu.N .. 9. 17..
poShaka pralaya utpatti gati aadhaara mitra nidhaana huu.N .
saaxii sharaNa prabhu biija avyaya me.n nivaasasthaana huu.N .. 9. 18..
mai.n taapa detaa, rokataa jala, vR^iShTi mai.n karataa kabhii .
mai.n hii amR^ita bhii mR^ityu bhii mai.n sat asat arjuna sabhii .. 9. 19..
jo somapaa traividya- jana niShpaapa apane ko kiye .
kara yaGYa mujhako puujate hai.n svarga- ichchhaa ke liye ..
ve praapta karake puNya loka surendra kaa, suravarga me.n ..
phira divya devo.n ke anokhe bhoga bhoge.n svarga me.n .. 9. 20..
ve bhoga kara sukha- bhoga ko, usa svargaloka vishaala me.n .
phira puNya biite aa pha.nse isa loka ke dukha- jaala me.n ..
yo.n tiina vedo.n me.n kahe jo karma- phala me.n liina hai.n ..
ve kaamanaa- priyajana sadaa aavaagamana aadhiina hai.n .. 9. 21..
jo jana mujhe bhajate sadaiva ananya- bhaavaapanna ho .
unakaa svayaM mai.n hii chalaataa yoga- xema prasanna ho .. 9. 22
jo anya devo.n ko bhaje.n nara nitya shraddhaa- liina ho .
ve bhii mujhe hii puujate hai.n paartha! para vidhi- hiina ho .. 9. 23..
saba yaGYa- bhoktaa vishva- svaamii paartha mai.n hii huu.N sabhii .
para ve na mujhako jaanate hai.n tattva se girate tabhii .. 9. 24..
surabhakta sura ko pitR^i ko paate pitara- anurakta hai.n .
jo bhuuta puuje.n bhuuta ko, paate mujhe mama bhakta hai.n .. 9. 25..
arpaNa kare jo phuula phala jala patra mujhako bhakti se .
letaa prayata- chita bhakta kii vaha bhe.nTa mai.n anurakti se .. 9. 26..
kaunteya! jo kuchha bhii karo tapa yaGYa aahuti daana bhii .
nita khaanapaanaadika samarpaNa tuma karo mere sabhii .. 9. 27..
he paartha! yo.n shubha- ashubha- phala- prada karma- bandhana- mukta ho .
mujhame.n milegaa mukta ho, sa.nnyaasa- yoga- niyukta ho .. 9. 28..
dvaiShii hitaiShii hai na koii, vishva mujhame.n ekasaa ..
para bhakta mujhame.n basa rahaa, mai.n bhakta ke mana me.n basaa .. 9. 29..
yadi duShTa bhii bhajataa ananya subhakti ko mana me.n liye .
hai Thiika nishchayavaan usako saadhu kahanaa chaahiye .. 9. 30..
vaha dharma- yuta ho shiighra shaashvata shaanti paataa hai yahii.n .
yaha satya samajho bhakta meraa naShTa hotaa hai nahii.n .. 9. 31..
paate parama- pada paartha! paakara aasaraa meraa sabhii .
jo a.Da rahe hai.n paapa- gati me.n, vaishya vanitaa shuudra bhii .. 9. 32..
phira raaja- R^iShi puNyaatma braahmaNa bhakta kii kyaa baata hai .
meraa bhajana kara, tuu dukhada nashvara jagat me.n taata hai .. 9. 33..
mujhame.n lagaa mana bhakta bana, kara yajana puujana vandanaa .
mujhame.n milegaa matparaayaNa yukta aatmaa ko banaa .. 9. 34..
navaa.n adhyaaya samaapta huaa .. 9..
9. 999..
shriibhagavaan ne kahaa - -
mere parama shubha suna mahaabaaho! vachana aba aura bhii .
tuu priya mujhe, tujhase kahuu.Ngaa baata hita kii mai.n sabhii .. 10. 1..
utpatti deva maharShigaNa merii na koii jaanate .
saba bhaa.Nti inakaa aadi huu.N mai.n, yo.n na ye pahichaanate .. 10. 2..
jo jaanataa mujhako maheshvara aja anaadi sadaiva hii .
GYaanii manuShyo.n me.n sadaa saba paapa se chhuTataa vahii .. 10. 3..
nita nishchayaatmaka buddhi GYaana amuu.Dhataa sukha duHkha dama .
utpatti laya evaM xamaa, bhaya abhaya satya sadaiva shama .. 10. 4..
samataa ahi.nsaa tuShTi tapa evaM ayasha yasha daana bhii .
utpanna mujhase praaNiyo.n ke bhaava hote hai.n sabhii .. 10. 5..
he paartha! sapta maharShijana evaM prathama manu chaara bhii .
mama bhaava- maanasa se hue, utpanna unase jana sabhii .. 10. 6..
jo jaanataa merii vibhuuti, va yoga- shakti yathaartha hai .
sa.nshaya nahii.n dR^i.Dha- yoga vaha nara praapta karataa paartha hai .. 10. 7..
mai.n janmadaataa huu.N sabhii mujhase pravartita taata hai.n .
yaha jaana GYaanii bhakta bhajate bhaava se dina- raata hai.n .. 10. 8..
mujhame.n lagaa kara praaNa mana, karate hue merii kathaa .
karate paraspara bodha, ramate tuShTa rahate sarvathaa .. 10. 9..
isa bhaa.Nti hokara yukta jo nara nitya bhajate priiti se .
mati- yoga aisaa duu.N, mujhe ve paa sake.n jisa riiti se .. 10. 10..
unake hR^idaya me.n baiTha paartha! kR^ipaartha apane GYaana kaa .
diipaka jalaakara naasha karataa tama sabhii aGYaana kaa .. 10. 11..
arjuna ne kahaa - -
tuma parama- brahma pavitra evaM paramadhaama anuupa ho .
ho aadideva ajanma avinaashii ananta svaruupa ho .. 10. 12..
naarada mahaa muni asita devala vyaasa R^iShi kahate yahii .
mujhase svayaM bhii aapa he jagadiisha! kahate ho vahii .. 10. 13..
keshava! kathana saare tumhaare satya hii mai.n maanataa .
he hari! tumhaarii vyakti sura daanava na koii jaanataa .. 10. 14..
he bhuutabhaavana bhuuta_iishvara devadeva jagatpate .
tuma aapa puruShottama svayaM hii aapako pahichaanate .. 10. 15..
jina- jina mahaan vibhuutiyo.n se vyaapta ho sa.nsaara me.n .
ve divya aatma- vibhuutiyaa.N batalaaiye vistaara me.n .. 10. 16..
chintana sadaa karataa huaa kaise tumhe.n pahichaana luu.N .
kina- kina padaartho.n me.n karuu.N chintana tumhaaraa jaana luu.N .. 10. 17..
bhagavan! kaho nija yoga aura vibhuutiyaa.N vistaara se .
bharataa nahii.n mana aapakii vaaNii sudhaamaya dhaara se .. 10. 18..
shriibhagavaan ne kahaa - -
kaunteya! divya vibhuutiaa.N merii ananta visheSha hai.n .
aba mai.n bataauu.Ngaa tujhe jo jo vibhuuti visheSha hai.n .. 10. 19..
mai.n sarvajiivo.n ke hR^idaya me.n antaraatmaa paartha! huu.N .
saba praaNiyo.n kaa aadi evaM madhya anta yathaartha huu.N .. 10. 20..
aadityagaNa me.n viShNu huu.N, saba jyoti biicha dinesha huu.N .
naxatra me.n raakesha, maruto.n me.n mariichi visheSha huu.N .. 10. 21..
mai.n saama vedo.n me.n tathaa suravR^inda biicha surendra huu.N .
mai.n shakti chetana jiiva me.n, mana indriyo.n kaa kendra huu.N .. 10. 22..
shiva sakala rudro.N biicha raaxasa yaxa biicha kubera huu.N .
mai.n agni vasuo.n me.n, pahaa.Do.n me.n pahaa.Da sumeru huu.N .. 10. 23..
mujhako bR^ihaspati paartha! mukhya purohito.n me.n jaana tuu .
senaaniyo.n me.n skanda, saagara saba saro.n me.n maana tuu .. 10. 24..
bhR^igu shreShTha R^iShiyo.n me.n, vachana me.n mai.n sadaa OMkaara huu.N .
saba sthaavaro.n me.n giri himaalaya, yaGYa me.n japa- saara huu.N .. 10. 25..
muni kapila siddho.n biicha, naarada deva- R^iShiyo.n me.n kahaa .
gandharvagaNa me.n chitraratha, taru- varga me.n piipala mahaa .. 10. 26..
uchchaiHshravaa saare hayo.n me.n, amR^ita- janya anuupa huu.N .
mai.n haathiyo.n me.n shreShTha airaavata, naro.n me.n bhuupa huu.N .. 10. 27..
suradhenu gauo.n me.n, bhuja.ngo.n biicha vaasuki sarpa huu.N .
mai.n vajra shastro.n me.n, prajaa utpatti- kara kandarpa huu.N .. 10. 28..
mai.n pitara gaNa me.n, aryamaa huu.N, naaga- gaNa me.n sheSha huu.N .
yama shaasako.n me.n, jalacharo.n me.n varuNa ruupa visheSha huu.N .. 10. 29..
prahlaada daityo.n biicha, sa.nkhyaa- suuchako.n me.n kaala huu.N .
mai.n paxiyo.n me.n garu.Da, pashuo.n me.n mR^igendra vishaala huu.N .. 10. 30..
ga.ngaa nado.n me.n, shastra- dhaarii- varga me.n mai.n raama huu.N .
mai.n pavan vego.n biicha, miino.n me.n makara abhiraama huu.N .. 10. 31..
mai.n aadi huu.N madhyaanta huu.N he paartha! saare sarga kaa .
vidyaagaNo.n me.n brahmavidyaa, vaada vaadii- varga kaa .. 10. 32..
saare samaaso.n biicha dvandva, akaara varNo.n me.n kahaa .
mai.n kaala axaya aura arjuna vishvamukha dhaataa mahaa .. 10. 33..
mai.n sarvahartaa mR^ityu, sabakaa muula jo ho.nge abhii .
tiya varga me.n medhaa xamaa dhR^iti kiirti sudhi shrii vaak bhii .. 10. 34..
huu.N saama me.n mai.n bR^ihatsaama, vasanta R^ituo.n me.n kahaa .
ma.ngasira mahiino.n biicha, gaayatrii suchhando.n me.n mahaa .. 10. 35..
tejasviyo.n kaa teja huu.N mai.n aura chhaliyo.n me.n juaa .
jaya aura nishchaya, satva saare satvashiilo.n kaa huaa .. 10. 36..
mai.n vR^iShNiyo.n me.n vaasudeva va paaNDavo.n me.n paartha huu.N .
mai.n munijano.n me.n vyaasa, kaviyo.n biicha shukra yathaartha huu.N .. 10. 37..
mai.n shaasako.n kaa daNDa, vijayii kii suniiti pradhaana huu.N .
huu.N mauna guhyo.n me.n sadaa, mai.n GYaaniyo.n kaa GYaana huu.N .. 10. 38..
isa bhaa.Nti praaNiimaatra kaa jo biija hai, mai.n huu.N sabhii .
mere binaa arjuna! charaachara hai nahii.n koii kabhii .. 10. 39..
he paartha! divya vibhuutiyaa.N merii ananta apaara hai.n .
kuchha kaha diye digdarshanaartha vibhuuti ke vistaara hai.n .. 10. 40..
jo jo jagat me.n vastu, shakti vibhuuti shriisampanna hai.n .
ve jaana mere teja ke hii a.nsha se utpanna hai.n .. 10. 41..
vistaara se kyaa kaama tumako jaanalo yaha saara hai .
isa eka mere a.nsha se vyaapaa huaa sa.nsaara hai .. 10. 42..
dasavaa.n adhyaaya samaapta huaa .. 10..
10. 999..
arjuna ne kahaa - -
upadesha yaha ati gupta jo tumane kahaa karake dayaa .
adhyaatma viShayaka GYaana se saba moha meraa miTa gayaa .. 11. 1..
vistaara se saba suna liyaa utpatti laya kaa tattva hai .
mai.nne sunaa saba aapakaa axaya ananta mahatva hai .. 11. 2..
hai.n aapa vaise aapane jaisaa kahaa hai he prabho .
mai.n dekhanaa huu.n chaahataa aishvaryamaya usa ruupa ko .. 11. 3..
samajhe.n prabho yadi aapa, mai.n vaha dekha sakataa huu.N sabhii .
to vaha mujhe yogesha! avyaya ruupa dikhalaado abhii .. 11. 4..
shriibhagavaan ne kahaa - -
he paartha! dekho divya anupama vividha varNaakaara ke .
shata- shata sahasro.n ruupa mere bhinna bhinna prakaara ke .. 11. 5..
saba dekha bhaarata! rudra vasu ashvini maruta aaditya bhii .
aashcharya dekha aneka aba pahale na dekhe jo kabhii .. 11. 6..
isa deha me.n ekatra saaraa jaga charaachara dekhale .
jo aura chaahe dekhanaa isame.n baraabara dekha le .. 11. 7..
mujhako na apanii aa.Nkha se tuma dekha paaoge kabhii .
mai.n divya detaa dR^iShTi, dekho yoga kaa vaibhava sabhii .. 11. 8..
sa.njaya ne kahaa- -
jaba paartha se shriikR^iShNa ne isa bhaa.Nti he raajan! kahaa .
taba hii diyaa aishvarya- yukta svaruupa kaa darshana mahaa .. 11. 9..
mukha nayana the usame.n aneko.n hii anokhaa ruupa thaa .
pahine aneko.n divya gahane shastra- saaja anuupa thaa .. 11. 10..
siimaa- rahita adbhuta mahaa vaha vishvatomukha ruupa thaa .
dhaaraNa kiye ati divya maalaa vastra gandha anuupa thaa . 11. 11..
nabha me.n sahasa ravi mila udaya ho.n prabhaapu~nja mahaan ho .
taba usa mahaatmaa kaanti ke kuchha kuchha prakaasha samaana ho .. 11. 12..
usa devadeva shariira me.n dekhaa dhana.njaya ne tabhii .
baa.nTaa vividha vidha se jagat ekatra usame.n hai sabhii .. 11. 13..
romaa.ncha tana me.n ho uThaa aashcharya se maano jage .
taba yo.n dhana.njaya sira jhukaa, kara jo.Da kara kahane lage .. 11. 14..
arjuna ne kahaa - -
bhagavan! tumhaarii deha me.n mai.n dekhataa sura- gaNa sabhii .
mai.n dekhataa huu.N deva! isame.n praaNiyo.n kaa sa.ngha bhii ..
shubha kamala aasana para isii me.n brahmadeva viraajate .
isame.n maheshvara aura R^iShigaNa, divya pannaga saajate .. 11. 15..
bahu baahu isame.n hai.n aneko.n hii udaramaya ruupa hai .
mukha aura aa.Nkhe.n hai.n aneko.n, hari- svaruupa anuupa hai ..
dikhataa na vishveshvara tumhaaraa aadi madhya na anta hai ..
mai.n dekhataa saba ora chhaayaa vishvaruupa ananta hai .. 11. 16..
pahine mukuTa, ma~njula gadaa, shubha chakra dharate aapa hai.n .
ho teja- nidhi, saarii dishaa daidiipta karate aapa hai.n ..
tuma durniriixaya mahaan aparampaara he bhagavaan ho ..
saba ora dikhate diipta agni dinesha sama dyutivaana ho .. 11. 17..
tuma jaanane ke yogya axarabrahma aparampaara ho .
jagadiisha! saare vishva maNDala ke tumhii.n aadhaara ho ..
avyaya sanaatana dharma ke raxaka sadaiva mahaan ho ..
merii samajha se tuma sanaatana puruSha he bhagavaan ho .. 11. 18..
nahi.n aadi madhya na anta aura ananta bala- bhaNDaara hai .
shashi- suurya ruupii netra aura apaara bhuja- vistaara hai ..
prajvalita agni prachaNDa mukha me.n dekhataa mai.n dhara rahe ..
sa.nsaara saaraa tapta apane teja se hari kara rahe .. 11. 19..
nabha bhuumi antara saba dishaa isa ruupa se tuma vyaapate .
yaha ugra adbhuta ruupa lakhi trailokya thara- thara kaa.Npate .. 11. 20..
ye aapa hii me.n deva- vR^inda pravesha karate jaa rahe .
Darate hue kara jo.Da jaya- jaya deva shabda sunaa rahe ..
saba siddha- sa.ngha maharShigaNa bhii svasti kahate aa rahe ..
pa.Dha kara vividha vidha stotra svaamin aapake guNa gaa rahe .. 11. 21..
saba rudragaNa aaditya vasu hai.n saadhyagaNa saare kha.De .
saba pitara vishvedeva ashvini aura siddha ba.De ba.De ..
gandharvagaNa raaxasa maruta samudaaya evaM yaxa bhii ..
mana me.n chakita hokara hare! ve dekhate tumako sabhii .. 11. 22..
bahu netra mukhavaalaa mahaabaaho! svaruupa apaara hai .
haatho.n tathaa pairo.n va ja.nghaa kaa ba.Daa vistaara hai ..
bahu udara isame.n aura bahu vikaraala Daa.Dhe.n hai.n mahaa ..
bhayabhiita isako dekha saba hai.n bhaya mujhe bhii ho rahaa .. 11. 23..
yaha gaganachuMbii jagamagaataa hari! aneko.n ra.nga kaa .
aa.Nkhe.n ba.Dii balatii, khulaa mukha bhii anokhe .Dha.nga kaa ..
yaha dekha aisaa ruupa mai.n mana me.n hare! ghabaraa rahaa ..
nahi.n dhairya dhara paataa, na bhagavan! shaanti bhii mai.n paa rahaa .. 11. 24..
Daa.Dhe.n bhaya.nkara dekha pa.Dataa mukha mahaavikaraala hai .
maano dhadhakatii yaha pralaya- paavaka prachaNDa vishaala hai ..
sukha hai na aise dekha mukha, bhuulaa dishaaye.n bhii sabhii ..
devesha! jaga- aadhaara! he bhagavan! karo karuNaa abhii .. 11. 25..
dhR^itaraaShTra- suta saba saatha unake ye nR^ipati- samudaaya bhii .
shrii bhiiShma droNaachaarya karNa pradhaana apane bhaTa sabhii .. 11. 26..
vikaraala Daa.Do.n yuta bhayaanaka aapake mukha me.n hare .
ativega se saba dau.Date jaate dha.Daadha.Da hai.n bhare ..
ye dikha rahe kuchha daa.Nta me.n laTake hue raNa- shuura hai.n ..
isa Daa.Dha me.n pisa kara abhii jinake hue shira chuura hai.n .. 11. 27..
jisa bhaa.Nti bahu saritaa- pravaaha samudra prati jaate bahe .
aise tumhaare jvaala- mukha me.n vega se nara jaa rahe .. 11. 28..
jisa bhaa.Nti jalatii jvaala me.n jaate pata.nge vega se .
yo.n mR^ityu hita ye nara, mukho.n me.n aapake jaate base .. 11. 29..
saba ora se isa jvaalamaya mukha me.n naro.n ko dhara rahe .
devesha! rasanaa chaaTate bhaxaNa sabhii kaa kara rahe ..
viShNo! prabhaae.N aapakii ati ugra jaga me.n chhaa rahii.n ..
nija teja se sa.nsaara saaraa hii suresha tapaa rahii .. 11. 30..
tuma ugra adbhuta ruupadhaarii kauna ho batalaaiye .
he devadeva ! namaami deva! prasanna aba ho jaaiye ..
tuma kauna aadi svaruupa ho, yaha jaananaa mai.n chaahataa ..
kuchha bhii na mujhako aapakii isa divya karanii kaa pataa .. 11. 31..
shriibhagavaan ne kahaa - -
mai.n kaala huu.N saba loka- naashaka ugra apane ko kiye .
aayaa yahaa.N sa.nsaara kaa sa.nhaara karane ke liye ..
tuu ho na ho to bhii dhana.njaya! dekha bina tere la.De ..
ye naShTa ho.nge viiravara yodhaa ba.De saba jo kha.De .. 11. 32..
ataeva uTha ripudala- vijaya kara, praapta kara sammaana ko .
phira bhoga isa dhana- dhaanya se paripuurNa raajya mahaan ko ..
he paartha! mai.nne viira ye saba maara pahile hii diye ..
aage ba.Dho tuma yuddha me.n basa naama karane ke liye .. 11. 33..
ye bhiiShma droNa tathaa jayadratha karNa yoddhaa aura bhii .
jo viiravara hai.n maara pahile hii diye mai.nne sabhii ..
aba maara ina maare huo.n ko, viiravara! vyaakula na ho ..
kara yuddha raNa me.n shatruo.n ko paartha! jiitegaa aho .. 11. 34..
sa.njaya ne kahaa - -
taba mukuTadhaarii paartha suna keshava- kathana isa riiti se .
apane ubhaya kara jo.Da kara ka.Npate hue bhayabhiita se ..
namate hue, gad.hgad gale se, aura bhii Darate hue ..
shriikR^iShNa se bole vachana, yo.n vandanaa karate hue ... 11. 35..
arjuna ne kahaa - -
hotaa jagat anurakta harShita aapakaa kiirtana kiye .
saba bhaagate raaxasa dishaao.n me.n tumhaaraa bhaya liye ..
namataa tumhe.n saba siddha- sa.ngha suresha ! baarambaara hai ..
he hR^iShiikesha! samasta ye unakaa uchita vyavahaara hai .. 11. 36..
tuma brahma ke bhii aadikaaraNa aura unase shreShTha ho .
phira he mahaatmana! aapakii yo.n vandanaa kaise na ho ..
sa.nsaara ke aadhaara ho, he devadeva! ananta ho ..
tuma sat, asat inase pare axara tumhii.n bhagavanta ho .. 11. 37..
bhagavan! puraatana puruSha ho tuma vishva ke aadhaara ho .
ho aadideva tathaiva uttama dhaama aparampaara ho ..
GYaataa tumhii.n ho jaanane ke yogya bhii bhagavant ho ..
sa.nsaara me.n vyaape hue ho devadeva! ananta ho .. 11. 38..
tuma vaayu yama paavaka varuNa evaM tumhii.n raakesha ho .
brahmaa tathaa unake pitaa bhii aapa hii akhilesha ho ..
he devadeva! praNaama deva! praNaama sahaso.n baara ho ..
phira phira praNaama! praNaama! naatha, praNaama! baarambaara ho .. 11. 39..
saananda sanmukha aura piichhe se praNaama suresha! ho .
hari baara- baara praNaama chaaro.n ora se sarvesha! ho ..
hai viirya shaurya ananta, baladhaarii atula balavanta ho ..
vyaape hue sabame.n isii se ' sarva' he bhagavanta! ho .. 11. 40..
tumako samajha apanaa sakhaa jaane binaa mahimaa mahaa .
yaadava! sakhaa! he kR^iShNa! pyaara pramaada yaa haTha se kahaa .. 11. 41..
achyuta! ha.Nsaane ke liye aahaara aura vihaara me.n .
sote akele baiThate sabame.n kisii vyavahaara me.n .. 11. 42..
sabakii xamaa mai.n maa.ngataa jo kuchha huaa aparaadha ho ...
sa.nsaara me.n tuma atula aparampaara aura agaadha ho .... 11. 42..
saare charaachara ke pitaa hai.n aapa jaga- aadhaara hai.n .
hai.n aapa guruo.n ke guru ati puujya aparampaara hai.n ..
trailokya me.n tumasaa prabho! koii kahii.n bhii hai nahii.n ..
anupama atulya prabhaava ba.Dhakara kauna phira hogaa kahii.n .. 11. 43..
isa hetu vandana- yogya iisha! shariira charaNo.n me.n kiye .
mai.n aapako karataa praNaama prasanna karane ke liye ..
jyo.n taata suta ke, priya priyaa ke, mitra sahachara artha hai.n ..
aparaadha meraa aapa tyo.n hii sahana hetu samartha hai.n ... 11. 44..
yaha ruupa bhagavan! dekhakara, pahale na jo dekhaa kabhii .
harShita huaa mai.n kintu bhaya se hai vikala bhii mana abhii ..
devesha! vishvaadhaara! deva! prasanna aba ho jaaiye ..
he naatha! pahalaa ruupa hii apanaa mujhe dikhalaaiye .. 11. 45..
mai.n chaahataa huu.N dekhanaa, tumako mukuTa dhaaraNa kiye .
he sahasabaaho! shubha karo.n me.n chakra aura gadaa liye ..
he vishvamuurte! phira mujhe vaha saumya darshana diijiye ..
vaha hii chaturbhuja ruupa he devesha! apanaa kiijiye .. 11. 46..
shriibhagavaan ne kahaa - -
he paartha! parama prasanna ho tujha para anugraha- bhaava se .
maine dikhaayaa vishvaruupa mahaana yoga- prabhaava se ..
yaha parama tejomaya viraaT ana.nta aadi anuupa hai ..
tere sivaa dekhaa kisii ne bhii nahii.n yaha ruupa hai .. 11. 47..
he kurupraviira! na veda se, svaadhyaaya yaGYa na daana se .
dikhataa nahii.n mai.n ugra tapa yaa kriyaa karma- vidhaana se ..
meraa viraaT svaruupa isa nara- loka me.n arjuna! kahii.n ..
atirikta tere aura koii dekha sakataa hai nahii.n .. 11. 48..
yaha ghora- ruupa nihaara kara mata muu.Dha aura adhiira ho .
phira ruupa pahalaa dekha, bhaya taja tuShTa mana me.n viira ho .. 11. 49..
sa.njaya ne kahaa - -
yo.n kaha dikhaayaa ruupa apanaa saumya tana phira dhara liyaa .
bhagavaan ne bhayabhiita vyaakula paartha ko dhiiraja diyaa .. 11. 50..
arjuna ne kahaa- -
yaha saumya nara- tana dekha bhagavan! mana Thikaane aa gayaa .
jisa bhaa.Nti pahale thaa vahii apanii avasthaa paa gayaa .. 11. 51..
shriibhagavaan ne kahaa - -
he paartha! durlabha ruupa yaha jisake abhii darshana kiye .
sura bhii tarasate hai.n isii kii laalasaa mana me.n liye .. 11. 52..
dikhataa na mai.n tapa, daana athavaa yaGYa, vedo.n se kahii.n .
dekhaa jise tuune use nara dekha paate hai.n nahii.n .. 11. 53..
he paartha! eka ananya merii bhakti se sambhava sabhii .
yaha GYaana, darshana, aura mujhame.n tattva jaana pravesha bhii .. 11. 54..
mere liye jo karma- tatpara, nitya matpara, bhakta hai .
paataa mujhe vaha jo sabhii se vaira hiina virakta hai .. 11. 55..
gyaarahavaa.n adhyaaya samaapta huaa .. 11..
11. 999 ..
arjuna ne kahaa - -
avyakta ko bhajate ki jo dharate tumhaaraa dhyaana hai.n .
ina yogiyo.n me.n yogavettaa kauna shreShTha mahaana hai.n .. 12 . 1 ..
shriibhagavaan ne kahaa - -
kahataa unhe.n mai.n shreShTha mujhame.n chitta jo dharate sadaa .
jo yukta ho shraddhaa- sahita meraa bhajana karate sadaa .. 12 . 2 ..
avyakta, axara, anirdeshya, achintya nitya svaruupa ko .
bhajate achala, kuuTastha, uttama sarvavyaapii ruupa ko .. 12 . 3 ..
saba indriyaa.N saadhe sadaa samabuddhi hii dharate hue .
paate mujhe ve paartha praaNii maatra hita karate hue .. 12 . 4 ..
avyakta me.n aasakta jo hotaa unhe.n ati klesha hai .
paataa puruSha yaha gati, sahana karake vipatti visheSha hai .. 12 . 5 ..
ho matparaayaNa karma saba arpaNa mujhe karate hue .
bhajate sadaiva ananya mana se dhyaana jo dharate hue .. 12 . 6 ..
mujhame.n lagaate chitta unakaa shiighra kara uddhaara mai.n .
isa mR^ityumaya sa.nsaara se be.Daa lagaataa paara mai.n .. 12 . 7 ..
mujhame.n lagaale mana, mujhii me.n buddhi ko rakha saba kahii.n .
mujhame.n milegaa phira tabhii isame.n kabhii sa.nshaya nahii.n .. 12 . 8 ..
mujhame.n dhana.njaya! jo na Thiika prakaara mana paao basaa .
abhyaasa- yoga prayatna se merii lagaalo laalasaa .. 12 . 9 ..
abhyaasa bhii hotaa nahii.n to karma kara mere liye .
saba siddhi hogii karma bhii mere liye arjuna! kiye .. 12 . 10 ..
Please send comments & suggestions to
sanskrit@cheerful.com
|